Sérsniðnar skýrslur með sjálfvirkum uppfærslum

Hægt er að sníða allt frá fullbúnum uppgjörum til sérsniðinna skýrslna útfrá hrágögnum bókhaldsins og ýmsum "stuðnings" gögnum sem auðga upplýsingagjöf verulega.

Útgáfustýring gerir úrvinnslu uppgjöra og annarra skýrslna að gríðarlega skilvirku ferli þar sem gögn uppfærast að mestu leyti sjálfkrafa.

Reikningamóttaka og vinnsla er tímafrek og þá fellur mikil huglæg ábyrgð á bókhaldsdeildina að passa að allir reikningar séu mótteknir og áframsendir til samþykktar.

Með Eno er það vandamál úr sögunni því hugbúnaðurinn sér um alla úrvinnslu reikninga.

Afkastageta margfaldast
Eno eykur stjórn á reikningaflæði og sést reikjanleiki og staða hvers reiknings frá móttöku til bókunar. Hægt er að fylgjast með stöðunni í gagnadrifnu mælaborði.

Staðlað form
Eno býður upp á valmöguleikann að prenta staðlað eintak af hverjum reikningi ásamt frumritum svo að yfirferð samþykkjenda og bókara sé einfaldari.

Sjálfvirk úrvinnsla reikninga verður til við gerð reglna, en hugbúnaðurinn lærir einnig á mynstur og greinir nýjar reglur sjálfvirkt með vélrænu gagnanámi. Innan skamms verður sjálfvirknin því umtalsverð.

Áreiðanleiki og endurtekning
Virkni sem auðveldar meðhöndlun endurtekinna reikninga með sjálfvirkum, reglubundnum hætti.

Sveigjanlegt samþykktarkerfi sem sérsniðið er að hverju og einu fyrirtæki sem sér til þess að samþykktir séu aðgengilegar og skilvirkar. Samþykkjendur geta samþykkt hvaðan sem er í gegnum tölvu, síma eða email

Skilvirkt flæði
Samþykkjendur fá sjálfvirkar tilkynningar og áminningar, hægt er að skilja eftir athugasemdir í samþykktarferlinu sem eykur samskiptastig. Rauntímaupplýsingar gera fjármálateyminu kleift að greina flöskuhálsa fljótt ef reikningar tefjast.

Fullkominn rekjanleiki
Í samþykktarkerfinu er fullbúið greiningartól til staðar sem heldur utan um hvaða aðgerðir voru teknar, hvenær og hvernig svo að hægt sé að sannreyna verkferla og aðskilja hlutverk.

Virkni sem bætir innkaupaferla og styttir úrvinnslutíma, pantanir eru samþykktar og loks áframsendar á birgja. Þegar reikningur fyrir pöntun berst tengir kerfið pantanir og reikninga saman og samþykkir sjálfkrafa reikninginn í samræmi við pöntunarbeiðnina.